Sunday, January 1, 2012

دين أبونا يا مسلمين: قصيده رائعه للشاعر جمال بخيت


دين أبونا يا مسلمين: قصيده رائعه للشاعر جمال بخيت

دين أبونا يا مسلمين

في يقيني .. أعز دين

كلمة النور الأمين ..كلمة الحق المبين ..

حكمة يكتبها الالة فوق جبين الطيبين

دين أبونا يامحمد ..انت سره ومبتداه ..

انت احساسة ومداة ...

دقة عارفينها فقلوبنا لما نخشع للالة

لما نطلب يو م رضاة

لما نركع

لما نسجد

لما نفرح بالحياة

دين ابونا ابراهيم .. رش جمر النار حنين ..

ع الخرايط ...والاماكن...

اتولدنا ...طوافين ... ذاكرين

دين ابويا لو مسيحي .. رحمة للعالمين ..

نصرة لاجل المظلومين

كلمة الحب اللي بايس الصليب جوا الكنايس ندهة الأجراس لمريم

والأمان للمجدلية

رحمة ليكو ورحمة ليا

المسيح شايل ألمنا لجل يهدينا السلام ..

خد أيمن خد أيسر

العبادة ماهيش كلام

عيش باسم الانسانية وانسي... نية تدفعك للانتقام

دين أبويا دين الهي

أينما كان اتجاهي

حتي لو كان دين يهودي .. احنا مش ضد اليهود

موسي في القرآن وليد يحضنة نيل الخلود

بين ادية تسعي عصاتة

حية

وجدودنا شهود

سحرا آمنو برب موسي

انقسملو بحر عاتي والجبل عرف السجود

رجعت الحية عصايا

حضنت التوراة وصايا

أوعي تقتل

اوعي تسرق

اوعي تزني

أوعي تقبل بالخضوع

بحر خير الكون يوايتي لما نفردلة القلوع

والجحيم ياكل سنينكم

لو فقير فيكم يجوع

الوصايا هي هي

أرتضيها زي ماهي

في ضميري وفوق شفاهي

دين أبويا دين الهي أينما كان اتجاهي

حتي لو كان مش الهي

المجوسي يترعب من نار ويعبد الالة اللي فخيالة

لية حرامو ولية حلالة

تسمعة فمعبد دعاة

تلهمة رعشة رجاة

للبقر ناس يعبدوة ويدينولو بالولاء

موش غباء

تعرفو في البقرة اية بيقدسوة ؟

العطاء

دين أبويا

أي دين

فية عصاة أو مخطئين

بس في نهاية المطاف

فية ملايكة ومؤمنين

والرضا للصالحين

والهنا للصابرين

فية ملاذ للعابدين الشاكرين المشتاقين رغم الضياع لليقين

دين ابويا اي دين

اللي انا بقي معرفوش

الوحوش الكروش

اللي لو طالو رقابينا بينهشو مبيرحموش

دين ابوهم اسمو اية

اللي داسو فوق رؤسنا بالبيادة

اللي مشيو بالبلاد للبلادة

اللي فتاويهم فساد للعقل يقضي ع العبادة

اللي مسحو م الايات معني الشهادة

لوثو الدم فعروقنا سدو عين الشمس فوقنا

سرقو ضوؤنا

صادرو نيلنا ودفعونا تمن وضوؤنا

دين أبوهم اسمو اية؟

اللي باعو وطن بحالة

خضرتة وصفرة رمالة

نسوتة وشهوة رجالة بهجتة ودمة وعيالة

خطوتة وسنين نضالة ثورتة ضد احتلالة

دين ابوهم اسمة اية؟

مين الهة

مين رسولة

فين كتابة

فية ملايكة ولا غابو

فية شياطين ولا تابو لما شافو التابعين شرهم زاد عن جهنم

شر لا يمكن حسابة

دين ابوهم

حتي فرعون اللي صدق

انة من نسل الة

واللي قال انة الالة

كان بيبني الاهراماتت للمات قبل الحياة

كانلة بعث

ويوم حساب

كان لة دولة

حضور ادارة كان منارة ترشد الكون للحضارة

كانلة جيش فارض وجودة كان محارب بين جنودة

ولما يتجاوز حدودة كانلة رب يغرقة وينقذ يهودة

حتي فرعون اللي صدق انة من نسل الالة

واللي قال انة الالة كانلة كهنة في العلوم

يقرو في كتاب الكواكب يرصدو سير النجوم

يفتحولو سكك ببان في سراديب الزمان

ويقولو ازاي يدور

حنطوة

خلدوة

بالمعاني والمباني والرسوم

كانو كهنة مؤمنين خلو كلمة مصر دين

حاضرة في العهد القديم حاضرة في العهد الجديد

حاضرة في القران حضور

الأيات فيها تدور مفردة عز وجلال معلنة وبين السطور

تخترع ثانية وشهور

تخترع شعر وبحور حتي فلاحنا الفصيح

شكوتو بتشع نور

اية يا مصر

اية يا رض الطيبين

اللي حكمو في الزمان دا يبقو مين

دين ابوهم اسمة اية؟

حد يعرف فيكو دين كل اتباعة لصوص

او قوادين

في المعاصي مولودين

في الكراسي مأبدين

في التفاهة معدودين

في السفاهة مفرودين

ع البلاهة مسنودين

للشراهة مجندين

ع القرف متعودين

ع الشرف متمردين

ع الوطن متمردين

بالخيانة موحدين

اللي يعرف دين كدا يقولي اسمة اية؟!

No comments:

Post a Comment