نصائح لتسوية النزاعات سلميا وبسرعة

نصائح لتسوية النزاعات سلميا وبسرعة

الجميع مضطرفى أى وقت من حياتهم أن يتعاموا مع الأشخاص ، سواء كانوا مجادلين ، أو مسيئين ، أو عنيدين، أو مشاكسين. السؤال هو ، كيف يمكنك تأكيد حقوقك دون خلق تصادم بينك و بينهم لا لزوم له؟
في معظم الحالات ، نجد الشخص الغاضب يصرخ حتى يجبر الآخرين على الإستماع له. إنه يريد أن يكون له قيمة ، ومحبوب ، ويستمع الطرف الآخر إليه. أنه يريد أن يشعر بأهميته ولكنه غير قادر على التعبيرعن نفسه بطريقة بناءة. مع التصرف السليم ، يمكنه تجاوز هذه المخاوف والتوصل الى تفاهم.
الاستراتيجيات الآتيه تساعدك على تسويه الخلافات سريعا وسلميا لصالح جميع الأطراف المتنازعه :

• الهدوء:ــ أصمت و لا تقول شيئا. أترك العاصفة تسير فى مجراها حتى تهدأ. في كثير من الأحيان يريد الشخص الغاضب أن يستفزك. الجدال غير فعال ولا يصل بالمتنازعين لشىء لأنه يبنى الحواجز بينهم و يقطع خيوط التواصل.
• أترك الشخص الآخر يتحدث أولا :ــ انه سوف يتعب من الكلام . أحيانا هذا كل ما يريده. أن يكون مسموعا. المهم أن يشعر باهميته. الجميع يريد أن يشعر بأهميته. بعض الناس تفعل ذلك باسلوب عدائى يأتى بنتائج عكسية.
• أنظر من وجهه نظر الطرف الآخر:ــ تخيل نفسك تقف مكانه . أبدا لا تقول له " في الواقع انت مخطىء" ، ابحث جاهدا عن نقاط الاتفاق وإعمل على البناء عليها. لا تذكر نقاط الإختلاف حتى لا تثير الطرف الآخر.
• هناك قوة في عبارة "نعم ، نعم ، أفهم بالضبط ما تقوله. هل تقصد....... " هذا يثبت للشخص الآخر إنك تستمع له . هذا كل ما يريده في العادة -- التحقق من صحه ما يقوله و قبول الطرف الآخر برأيه. بالاتفاق معه ، تكسر تدريجيا حده الغضب داخله .
• إذا كان الوضع يتحول الى إساءه لفظيه، ضع حدا لذلك :ــ قل بحزم ولكن بهدوء : " إنك غاضبا جدا الآن ، ولذلك تقول أشياء لا تعني معناها (إعطيهم فائدة الشك). سانسحب أنا الآن. يمكننا التحدث مرة أخرى بعد أن تكون قد هدأت "، ثم غادر الغرفة أو اطلب منه مغادرة الغرفه إن كان أصغر سنا أو مركزا.
• إذا كنت مخطئا ، اعترف بسرعة وتحمل المسؤولية :ــ يمكن القول ، "أنت على حق تماما ، فهذا خطأي ، وهذا ما سأفعله لتصحيح الامر." حتى اذا لم تكن مخطىء ، على الأقل ــ امنحهم فائدة الشك ــ قد أكون مخطىء ، دعونا ننظر في الوقائع معا " من الصعب ان تحدث مجادله أو نزاع مع تلك الكلمات!

هذه الكلمات لها قوة هائلة. ليس فقط لأنها تدعم وجهة نظر الشخص الآخر ، لكنها تنفث أيضا عن التوتر. قد تفاجأ بما سيحدث بعد ذلك. يمكن للشخص الذى يتنازع معك في نهاية المطاف الدفاع عن وجه نظرك. و ستندهش من تحول الشخص من مهاجم ليصبح فجأة حليفا.

• استخدام قوة التصور. إذا كنت تتعامل مع شخص ما وعليك أن تتفاعل معه على أساس يومي (مثل رئيس أو زميل في العمل) ، حاول أن تتخيل ذلك الشخص باعتباره شخصيه لطيفه و محبة. تصوره بهذه الصوره سيساعدك على تحمله.

تذكروا :ــ كيف تعاملنا مع الشخص الصعب في الماضي و أنهينا النزاعات معه. هل كنت تميل إلى إثبات أنه على خطأ ، في محاولة لحفظ ماء الوجه؟ هل كنت قادرا على رؤية الموجود خلف الإنطباع الظاهر على وجهه بأن كل ما يريده هو أن يكون مسموعا ، و محبوبا و موثوقا به ؟ هل حاولت بقوة التصور أن تتخيل شخصيته بالشكل الذى تحب أو تتخيل أن يكون عليه؟ إجابتك على هذه الاسئله تساعدك على إنهاء النزاعات بينك و بين أى شخص.
المصدر: د. نبيهه جابر

إقرأ مقالات ذات صله على :

http://kenanaonline.com/users/DrNabihaGaber

( يجب ذكر المصدر و الرابط عند النقل و الإقتباس )

المندفع , المستعرض والمتفرج

المندفع , المستعرض والمتفرج

HelpEGY help egypt مصري

هذه المقاله لفتت نظرى على التويتر و تخيلت إن كاتبها مثير للفتنه و عندما عاتبته على ذلك غضب و ثار و قالى خشى إقرى المقاله دى. و فعلا دخلت و قراتها و إعجبت جدا بتحليله للاطراف جميعا. و إننى أضم صوتى لصوته لننزل جميعا لصناديق الإنتخاب لننتخب الأصلح لمصرنا الحبيبه. الإسم الذكور هو الموجود على التويتر ولا أعرف الإسم الحقيقى لصاحبه فليسامحنى الجميع.

أرجو من الجميع أن يرفعو أياديهم للسماء للدعاء أن يحمى الله مصرنا الحبيه و شبابها الرائع الذى كان شراره الثوره و ما زال يعمل على إستكمالها.

اهلا اهلا يا محمود اتفضل اقعد جنبي النهاردة وبيشوي-كرستين هما اللي هيقعدو في الركن يسمعو هقولك اية عشان كلامي معاك النهارة كتير ومتشعب وبرضو صريح ومن القلب.

شوف يا محمود انا عارف اني هقابل مشكلة في كلامي معاك لانك بشخصيات مختلفة لذلك هوجة كلامي بنقط محددة لكل شخصيةلو انت جاي اول مرة هنا اتمني تراجع كلامي لبيشوي-كرستين عشان تعرف انا دعيتك النهاردة نتكلم لية

الرسالة الاولي

الرسالة التانية

بص عليهم بصة وارجعي تاني

تمام يلا نبتدي مع بعض

كلامي النهاردة هيبقي مع محمود السلفي والاخواني ومحمود اللي لا ينتمي للفصيلين دول وبيصنف نفسة مسلم عادي ويلا نبتدي مع اكتر واحد شادد وعامل خناقات مع بيشوي-كرستين

محمود السلفي:

زي ما قال محمد محي اعاتبك علي اية ولا اية يا حودة , اية مبتسمعش اغاني طيب يا سيدي انا عارف بس كنت برطب كلامي معاك في الاول بس شكلك قافش , مش مهم ندخل في الجد بقي يا برنس

انا عارف يا محمود انك بتشكي ان الاعلام بيظلمك ومصورك وحش كاسر فلت من القمقم بعد الثورة وناوي يطيح في الكل , معلش يا حودة انا عارف انك اتظلمت كتير في سبيل الدعوة وكتير مننا حتي اخواتك المسلمين ميعرفوش انك اتفرمت واتشويت بالمعني الحرفي في زنازين امن الدولة, بس يا محمود عايز افكرك بولاد مصر اللي جريو فتحو صدرهم للرصاص واقتحمو امن الدولة وخرجوك منها , انا مش محتاج منك اكتر انك تفتكر الحتة دي دلوقتي . اعتقد اني مش بطالب منك كتيير , مش هدايقك واقولك انت كنت قاعد في بيتك ومنزلتش الثورة عشان قابلتك وشوفتك في ميدان التحرير وانت بتصرخ باعلي صوتك مسلم ومسيحي ايد واحدة , وانت قاعد بتحدف طوب وبتواجة البلطجية جنب اخواتك , وانتا بتعترف انك اول مرة تتكلم مع متبرجات ومسيحين وبتغير فكرتك عنهم, اية يا حودة اللي حصلك يا سيدي بعد ميدان التحرير, لية تسيب نفسك للي بيستغل حماسك للدعوة في انة يولع البلدعندك مشاكل مع الكنيسة والمسيحين ومش طايقهم دة مفهوم والاسباب كتيرة يا سيدي و بس كان من الممكن انك توصل اللي انت عايزة من غير ما تتظاهر قدام الكاتدرائية وترعب بيشوي-كرستين , عارف يا حودة الكنيسة بتمثل لمسيحين مصر اية . هي الدين نفسة , مش زي الاسلام ولازم تفهم كدة يعني انت نفسك بتهاجم الازهر وبعت اخواتك المنقبات يتظاهرو قدامة عشان مسالة النقاب ومحستش انك عملت حاجة , لا يا حودة الكنيسة عند مسيحين مصر هي الدين واي مساس بيها مساس بالدين نفسة وساعتها الموت هيبقي سهل قوي , لية يا حودة توصل البلد لكدة يبني وانت عارف ان مصر مهمة قوي في مشروعك لنهضة الامة الاسلامية, اية مستغرب اني عارف انت عايز اية, لا اصبر بس انا عارف حاجات كتير وهيبان دلوقتي.

بص يبن الحلال الي احنا فية دة بسبب الماضي بكل ما فية من عداء وكراهية ما بينا احنا الاتنين بس بقي اية خلاص احنا اتورطنا في بعض يا سيدي ووشنا في وش بعض طول اليوم دلوقتي , الاول بيشوي-كرستين انعزلو زي ما وضحت قبل كدة وانت ليك اكتر من 80 سنين معزول برضو وشايفك وعارفك بتقول اية في مواقعك الي حافظها صم وشايفك بتبني فيها سنة سنة كراهيتك ليا يا سيدي , مرة بشوية حقايق ومرة بالكذب, شايفك بتتعلم انك تشتمني وتقول عليا خنزير نجس , وانت بتقتنع اني مخبي اسلحة في الكنايس عشان اهاجمك , وانا برمم وابني الاديرة وانت بتستعجب لية بنعملها كبيرة وواسعة كدة , او بالمرة يا حودة الصورة بتاعت الطيارات في قاعدة العديد بتاعت قطر مش صورة حقيقية دي صورة في امريكا لماكن بيرمي في الجيش الامريكي طياراتة القديمة وبيركنا بالشكل المنظم دة عشان متاخدش مساحة مش اكتر, نرجع لموضوعنا بقي يا سيدي, انا زعلان منك يا محمود عشان انت متسرع واهوج وبتخسر كتيير باللي انت بتعملة , استغلوك في امبابة وفرحان قوي انك حررت عبير وحرقت كنيسة , طيب يا سيدي اهو 60 كنيسة مغلقة اصدرت الحكومة تعليماتها بفتحهم تاني , شوفت بقي انت خسرت ازاي يعني رايح تحرق كنيسة رجعتلي فاتحلي 60 وحدة. يا حلاوة يا برنس , عشان كدة انا بكلمك يا حودة لمصلحتك, تخيل بقي انا المسيحي عايز مصلحتك لانها مصلحتي ومصلحة بلدي كمان و شوف العجايب يا اخي, بص يا حودة الفترة اللي جاية انت وبيشوي-كرستين لازم تتعلمو انك تلعبو حاجة اسمها سياسة , انتو الاتنين جداد جدا في الموضوع دة ومرتبكين ومش عارفين تعملو اية بس تهورك وحماسك بهدل الدنيا خالص, بلاش خناقات وضرب وتكسير , لاعبو بعض علي الشناكل بالسياسة , اتعلم يا حودة من الاخوان , مبقولكش امشي بمنهجهم دة شئ ميخصنيش بس اتعلم منهم الحنية عشان كل حاجة بالحنية بتفك , شتم البابا شنودة وتقولة شنودة هربز النجس ملهوش لازمة خالص ولا هينفعك اساسا وبلاش تتغر وتتسرع عشان احساسك انك خلاص قربت تحكم مصر وهتحقق حلمك بالحكم بالشريعة مخليك مزقطط خالص ونافش ريشك , بس كل دة صدقني بيهدم حلمك دة من غير ما تحسفي الاخر يا محمود معنديش ليك حاجة تعملها زي ما بنصح بيشوي -كرستين واقولهم بيعملو اية بالظبط انا سايبك لضميرك ولحكم مصر عليك, عايز تتابعني وانا بكلم محمود الاخواني عشان فية كلام ليكم انتو الاتنين

محمود الاخواني :

حبيبي وابن حبيبي , اللعب والصراع معاك سهل وبسيط عشان انت بتلعب سياسة عشان توصل لهدفك , احيانا بتتهور بس حتي تهورك بيبقي خفيف الدم واللعب معاك فية خباثة وهي دي السياسة . ملياش عتاب ليك زي اخوك محمود السلفي بس فية نقطة عايز اتكلم معاك فيها يا سيدي

اولا حلمك اللي ليك 80 سنة بتحاول تحققة في انك تحكم مصر بالشريعة الاسلامية كحجر اساس انك ترجع دولة الخلافة الاسلامية , اوكي يا سيدي حقك انك تحلم بدة , بس لازم تعرف اني مش عايز دة عشان انت هتظلمني وكمان انا مشوفتش نموذج لدولة بتقول انها اسلامية وبتطبق الشريعة وكان نموذج يخليني ما اقلقش منة , عموما كمل انت في سكتك ونتقابل في صناديق الانتخاب واللي فية الخير لمصر يعمله ربنا……. اة قبل مانسي . بلاش تستغل محمود السلفي سيبة في حالة هو مش ناقص مش عشان تبان انك

وسطي و تورط الغلبان في احداث ليها مردود اعلامي سئ عشان تطلع انت كويس , ايوة يا سيدي متبتسمش انا واخد بالي

محمود المسلم العادي :

الامور في ايديكم انت كلها عشان انتو الاغلبية وانتي اللي هتحددو مين هيعمل اية ارجوكو سيبو الكنبة والتليفيزيون وانزلو شاركو اخواتكم في صنع مستقبل مصر. احب بس في الاخر افكركم ان مصر محتاجانا نشتغل ونتعب الفترة اللي جاية عشان نمحي اثر 30 سنة قرف وبهدلة

طلب اخير من الكل لو سمحتو انشرو الكلام دة لكل اصحابكم لو حسيتو انة هيفيد مصر . يا حودة لو ليك اصحاب مسيحين شير ليهم علي الفيسبوك والتويتر الرسالتين الاولي والتانية ولاخواتك المسلمين الرسالة التالتة.